NT5E-ийн мутаци ба артерийн шохойжилт

Оршил
Артерийн шохойжилт нь зүрх судасны эрсдэл нэмэгдэхтэй холбоотой байдаг боловч үүний генетик холбоо хамаарал тодорхойгүй байсаар байна.

Арга зүй
Бид шинж тэмдэг бүхий артерийн шохойжилттой гурван гэр бүлд эмнэлзүй, рентген болон генетикийн шинжилгээ хийсэн. Нэг нуклеотидийн полиморфизмийн анализ, чиглэсэн генийн дараалал тогтоолт, тооны полимеразын гинжин урвалын шинжилгээ, Western blotting, энзим хэмжилт, transduction rescue experiments болон in vitro шохойжилтын шинжилгээ зэргийг хийсэн.

Үр дүн
Бид доод мөчдийн артерийн шохойжилт болон сарвуу, тавхайн үений шохойжилт бүхий 9 хүнийг илрүүлснээс 5 нь эхний гэр бүлийн ах дүүс, 3 нь хоёрдахь гэр бүлийн ах дүүс, нэг нь гуравдахь гэр бүлийн хүн байлаа. Сийвэнгийн кальци, фосфат болон витамин Д-ийн түвшин хэвийн. Нэгдүгээр гэр бүлийн эмгэгт өртсөн гишүүд нь 6-р хромосом дээрээ өвөрмөц 22.4-Mb гомозигот хэсгийг агуулж байсан ба СD73-ийг кодлогч NT5E-ийн гомозигот, nonsense мутаци (нэг нуклеотид солигдсоны улмаас генетик код буруу уншигдан трансляцийн үед зогс кодон болж уншигдах) (c.662C→A, p.S221X)-ийг агуулж байв. CD73 нь АМФ-ийг аденозинд хувиргадаг. Хоёрдугаар гэр бүлийн эмгэгт өртсөн гишүүд NT5E-ийн гомозигот, missense мутаци (нэг нуклеотид солигдсоны улмаас генетик код буруу уншигдан трансляцийн үед өөр амин хүчил болж уншигдах) (c.1073G→A, p.C358Y)-ийг агуулж байв. Гуравдугаар гэр бүлийн пробанд c.662C→A болон c.1609dupA (p.V537fsX7) мутацийг гетерозигот байдлаар агуулж байлаа. Гурван гэр бүл дэхь бүх мутаци нь CD73-ийн үйл ажиллагаа алдагдахтай холбоотой байв. Нэгдүгээр гэр бүлийн эмгэгт өртсөн гишүүнээс өсгөвөрлөсөн фибробласт нь CD73 уургийн NT5E-ийн мэдээллийн РНХ-г илэрхий багаар экспресслэж байсан ба энзимийн идэвхижил илэрхий буурсан, шүлтлэг фосфатазын түвшин болон кальцийн фосфатын талстын хуримтлал нэмэгдсэн байв. Genetic rescue experiment нь CD73 болон өвчтөний эс дэхь шүлтлэг фосфатазын идэвхижлийг хэвийн болгож, аденозин эмчилгээ шүлтлэг фосфатазын түвшин болон шохойжилтыг бууруулж байв.

Зөвлөмж
Бид шинж тэмдэг бүхий артери болон үений шохойжилт бүхий гурван гэр бүлийн гишүүдэд NT5E-ийн мутацийг илрүүллээ. Энэхүү ген нь CD73-ийг кодлодог ба CD73 нь АМФ-ийг аденозинд хувиргадаг ба өөр бусад эд дэхь шохойжилтыг дарангуйлах бодисын солилцооны замыг дэмжиж өгдөг ажээ.

Эх сурвалж:
NT5E Mutations and Arterial Calcifications