USMLE 2-р шатны эмнэлзүйн ур чадвар (CS)-ын шалгалт

Удиртгал 

2-р шатны шалгалтын нэг хэсэг болох эмнэлзүйн ур чадвар (CK)-ын шалгалт нь та удирдагчийн хяналтанд өвчтөнд аюулгүй бөгөөд үр нөлөөтэй тусламж үзүүлэхэд амин чухал эмнэлзүйн суурь ур чадваруудыг эзэмшсэн эсэхийг үнэлдэг. 2-р шатны эмнэлзүйн ур чадвар (CS)-ийн шалгалт нь 3 дэд бүрдэл хэсэгтэй: 

Нэгдмэл эмнэлзүйн үзлэг (integrated clinical encounter - ICE) 

• Мэдээлэл цуглуулах – анамнез авах болон бодит үзлэгээр цуглуулсан өвчтөний мэдээлэл
• Бүртгэл, баримтжуулалт – Өвчтөний үзлэгээр илэрсэн өөрчлөлтүүдийг нэгтгэж өвчтөний тэмдэглэлийг гүйцээх, оношийн таамаглал дэвшүүлэх, өвчтөнд хийх анхан шатны шинжилгээ 

Харилцаа тогтоох ба хүмүүс хоорондын харилцааны ур чадвар (Communication and Interpersonal skills - CIS)

• Асуулт асуух ур чадвар
• Мэдээлэл хуваалцах ур чадвар
• Мэргэжлийн ур чадвар ба өвчтөн танилцуулах 

Англиар ярих дадал туршлага (Spoken English Proficiency - SEP)

• Эмч-өвчтөн хоорондын харилцааны үед Англиар ойлгомжтой, тодорхой ярих 

2-р шатны эмнэлзүйн ур чадварын шалгалт (CS) нь шалгалтын үед бодит өвчтөнг дуурайхаар бэлтгэгдсэн хүмүүс болох стандарт өвчтөнийг ашигладаг. Та стандарт өвчтөнүүд жинхэнэ өвчтөнтэй адил мэдээлэл өгөх ба тэднээс тухайн тулгараад буй нөхцөл байдалтай холбоо хамааралтай өгүүлэмжийг авна гэж тооцоолох хэрэгтэй ба тодорхой чиглэсэн бодит үзлэг хийж, өвчтөнийг асуултанд хариулж, хэрэгтэй үед зөвлөгөө өгөх болно. Өвчтөний үзлэг бүрийн дараа та холбоо хамааралтай өгүүлэмж болон бодит үзлэгийн өөрчлөлтүүдийг бичиж, оношийн таамаглалуудыг жагсааж, хэрэв шаардлагатай бол цаашид хийгдэх шинжилгээний төлөвлөгөөг гаргана. Тохиолдолууд Нэгдсэн Улс дахь эмнэлэг, эмчийн албан өрөө, яаралтай тусламжийн тасаг болон эмнэлэгийн нөхцөлд анагаахын практикт эмч тааралдах магадлалтай түгээмэл болон чухал нөхцөл байдлуудыг хамарсан байдаг. 

Сорилын үргэлжлэх хугацаа ба загвар 

2-р шатны эмнэлзүйн ур чадвар (CS)-ын шалгалт нь арван хоёр өвчтөний тохиолдолыг агуулсан байна. Танд өвчтөний үзлэг тус бүрт 15 минут олгогдох ба өвчтөний тэмдэглэлийг бичихэд 10 минут өгөгдөнө. Хэрэв та өвчтөний үзлэгийн үед өгөгдсөн 15 минутыг бүхэлд нь ашиглаагүй бол үлдсэн хугацаа нь таныг өвчтөний тэмдэглэлийг бичихэд нэмэгдэж орно. Сорилын үргэлжлэх хугацаа ойролцоогоор 8 цаг байдаг. 2-р шатны эмнэлзүйн ур чадвар (CS)-ын тохиолдолууд нь тодорхой журмын дагуу, дараалж явагддаг. Та тухайн тохиолдолоос гарсан эсвэл хугацаа дууссан үед сорилын асуултууд ба тохиолдолыг цаашид дахин харах, хариултаа өөрчлөх, нэмэлт мэдээлэл цуглуулах боломжгүй. 

Шалгалт орохыг зөвшөөрөх шалгуурууд

USMLE 2-р шатны эмнэлзүйн мэдлэг (CK)-ийн шалгалтанд орохын тулд та өргөдөл мэдүүлэх хугацаанд болон шалгалт өгөх өдрөө доор дурьдсан ангилалуудын нэгэнд нь багтаж байх ёстой.    

• Нэгдсэн Улс эсвэл Канадын анагаахын сургуульд албан ёсоор элсэн орсон анагаахын оюутан эсвэл төгсөгч
• Анагаахын Боловсролын Холбооны Зөвлөл (LCME)-өөр магадлан итгэмжлэгдсэн MD зэрэг олгох хөтөлбөрөө суралцаж байх
• Америкийн Ясны Эмгэгийн Холбоо (American Osteopathic Association AOA)-оор магадлан итгэмжлэгдсэн DO зэрэг олгох хөтөлбөр бүхий АНУ-ын анагаахын сургууьд албан ёсоор элссэн анагаахын оюутан эсвэл төгсөгч байх
• АНУ болон Канадаас бусад орны ECFMG-аар хүлээн зөвшөөрөгдсөн анагаахын сургуульд албан ёсоор элссэн анагаахын оюутан эсвэл төгсөгч байх

Эх сурвалж: 

http://www.usmleworld.com/Step2CS/step2cs.aspx