Lp-PLA2, өндөр мэдрэг CRP болон дунд насны эрэгтэй эмэгтэй хүмүүсийн ишемийн гаралтай харвалт болох эрсдэл

Background: Үрэвсэлийн маркерийн хэмжээ нь тухайн хүн ишемийн гаралтай харвалт болох өндөр эрсдэлтэй болохыг харуулдаг. Липопротейн-холбоот фосфолипаза фосфолипаза А2 (Lp-PLA2) нь макрофагаас ялгардаг үрэвсэлийн урьдал энзим юм. Бид уламжлалт эрсдэлт хүчин зүйл бүхий хүмүүст Lp-PLA2 болон CRP-ийн түвшинг тодорхойлж ишемийн гаралтай харвалттай холбоо хамааралтай эсэхийг шалгаж үзсэн болно.

Methods: Бид proportional hazards model-ийг ашиглан Atherosclerosis Risk in Communities (ARIC) судалгаанд хамрагдсан харьцангуй эрүүл дунд насны эрэгтэй, эмэгтэй 12762 тохиолдолын харьцангуй боломжит тохиолдолд проспектив тохиолдолын кохорт судалгааг 6 жил дагаж хийсэн.

Results: Хүйс, арьсны өнгө болон насыг харгалзан Lp-PLA2 болон CRP-ийн дундаж түвшинг тодорхойлоход харвалт болсон 194 тохиолдолд харвалт болоогүй 766 тохиолдолоос өндөр байсан ба харин бага-нягтралтай липопротейн холестрол (LDL-C)-ийн хувьд ач холбогдол өгөхүйц ялгаа байсангүй. Нас, хүйс болон арьсны өнгийг харгалзан авч үзэхэд Lp-PLA2 болон CRP-ийн түвшиний аль аль нь ишемийн гаралтай харвалттай холбоотой байсан ба нас, хүйс, арьсны өнгө харгалзсан загвар дахь Lp-PLA2-ийн аюулын харьцаа (hazard ratio) 2,23 байсан бол CRP-ийн аюулын харьцаа 2,70 байв. Нас, хүйс, арьсны өнгө дээр тамхидалт, систолын даралт ихдэлт, липидийн түвшин болон диабетийг нэмж авч үзсэн загвар дахь Lp-PLA2 болон CRP-ийн түвшингүүдийн аюулын харьцаа тус тус 1.91 (95% итгэх интервал, 1.15-3.18; P = .01) болон 1.87 (95% итгэх интервал, 1.13-3.10; P = .02) байлаа. Уламжлалт эрсдэлт хүчин зүйлийг тооцож үзсэний дараагаар CRP болон Lp-PLA2-ийн түвшин хоёул их байгаа хүмүүс CRP болон Lp-PLA2-ийн түвшин хоёул бага хүмүүстэй харьцуулахад харвах эрсдэл өндөртэй байсан ба харин бусад хүчин зүйлсээр тооцож үзэхэд харвах эрсдэл дунд зэрэг байв.

Conclusions: Уламжлалт эрсдэлт хүчин зүйлийн зэрэгцээ Lp-PLA2 болон CRP-ийн түвшин өндөр тодорхойлогдсон дунд насны хүмүүст ишемийн гаралтай харвалт болох эрсдэл илүү байна.

Lipoprotein-Associated Phospholipase A2, High-Sensitivity C-Reactive Protein, and Risk for Incident Ischemic Stroke in Middle-aged Men and Women in the Atherosclerosis Risk in Communities (ARIC) Study